Vargje të nënshkruara
Kapo Labi
Ditë, dekriminalizimi
Nuk bëhet me Dosh e Frrok
Janë Juda e Kaini
Që kanë bërë krime me okë.
Janë ata me dy-tre vila
Që kanë lekët nëpër botë
Kriminelë e katila
Që shkaktuan vaj e lotë.
Janë shushunjat e Saliut
Hajdut njëzetë vjeçarë
Që pinë dhe gjak njeriu
Askush s’u tha “punë e mbarë”.
Zagarët që lehin sot
Për t’u pastruar Kuvendi
Njihen nga tërë një botë
Si kriminel të këtij vendi.
Duhen shporrë këta kusarë
Të partisë më barbare
Të pacipë e zullumqarë
Ato duar gjakatare.
Kapo Labi, Tërbaç, Vlorë.