Zbardhet vendimi i shpalljes së moskopetencës për dosjen penale që flet për anëtarët e familjes Bajri në Shkodër, për të cilët në 31 janar 2020 dy prokurorët e SPAK-ut, Ervin Kondili dhe Ened Nakuçi, vendosën të transferojnë dosjen penale për hetime të mëtejshme në prokurorinë e Shkodrës.
Argumenti që dy prokurorët kanë përdorur në marrjen e këtij vendimi moskopetence është se në asnjë rast personat e dyshuar nuk i kanë kryer veprat penale në bashkëpunim me njëri-tjetrin dhe me më shumë se dy persona.
Ky është një element formal dhe thelbësor, thonë prokurorët, për ekzistencën e veprës penale të “Grupit të strukturuar kriminal”.
Në vendimin prej 15 faqe të shpalljes së moskopetencës lëndore thuhet se: “…për personat nën hetim Behar Brajoviç (Bajri), Enver Bajri, Safet Rustemi ose Ilir Rustemi (Bajri) Asmer Bilali, pavarësisht se hetohen për kryerjen e më shumë se një vepër penale, në asnjë rast nuk i kanë kryer veprat penale të bashkëpunimit, me më shumë se dy persona, element formal por dhe thelbësor për ekzistencën e “Grupit të strukturuar kriminal”.
Në këto kushte ata duhen të hetohen për veprat respektive, port ë kryera në formën e bashkëpunimit të thjeshtë dhe jo të organizuar…”.
Më poshtë këtij vendimi dy prokurorët e SPAK-ut, nënvizojnë se veprat penale të për cilat akuzohen këta persona si “Vrasje me dashje”, “Prodhim dhe mbajtje pa lejë të armëve të zjarrit”, “Organizimi i llotarive të palejuara”, “Pastrimi i produkteve të veprës penale”, “Shtrëngim me anë të kanosjes për dhënie pasurie”, “Përcaktimi i rezultateve në garat sportive”, “Vjedhje duke shpërdoruar detyrën”, “Shpërdorim detyre” dhe “Mashtrimi”, nuk janë në kompetecën lëndore të ushtrimit të ndjekjes penale të prokurorisë së posaçme.Për pasojë prokurorët kanë dalë në përfundimin se në rastin konkret “…aktet që i përkasin çështjes penale me nr.62 të vitit 2019 duhet të kalojnë për kompetencë në prokurorinë e Shkodrës…”.
Më tej në vendim thuhet se:“…pavarësisht se nga pikëpamja formale plotësohet kriteri numeric për ekzistencën e grupit kriminal, arrihet në konkluzjonin se nuk mund të jemi përpara kësaj forme bashkëpunimi, përsa kohë që nuk arrihet të provohet se ky bashkëpunim, ka një strukturë dhe një organizim minimal për kryerjen e këtyre veprave penale dhe nuk ka qenë rastësor, por ka ekzistuar paraprakisht, para se të fillojë kryerja e veprës penale, ka vazhduar të ekzistojë edhe në momentin e fillimit të kryerjes së veprës dhe gjatë kohës së kryerjes së saj…”.
Më konkretisht dy prokurorët Nakuçi dhe Kondili sqarojnë në vendimin e shpalljes së moskopetencës se:”…nuk është e qartë se cila është forma e bashkëpunimit pasi, të hetuarës Jonida Murati, i atribohet pjesëmarja dhe bashkëpunimi në grup të strukturuar kriminal, ndërkohë që bashkëpuntorëve në kryerjen e fakteve të paligjshme si Florina Hoxha, Senad Hallunaj dhe Mirë Nikaj, ju atribuohet forma e bashkëpunimit të thjeshtë.
Në rast se pretendohet se kjo shtetase është pjesë e grupit, për shkak të lidhjes me të hetuarin Behar Brajoviq (Bajri), nga hetimi nuk rezulton se kjo shtetase është e implikuar në asnjë nga veprat penale që i atribuohen këtij personi…”. Behar Bajri, akuzohet nga prokuroria për vrasjen me dashje në dëm të bashkëjetueses së tij Fabiola Hyseni. Kjo ngjarje ka ndodhur në 29 qershor 2002, kur 15-vjeçarja është raportuar si e vetëvrarë me tre plumba në shtëpinë e Bajrit.
Njërin nga plumbat 15-vjeçarja e ka marrë pothuajse pas shpine. Behar Bajri, i arrestuari kryesor për këtë ngjarje dhe i dyshuari nga prokuroria si personi autor për këtë vrasje, ka mohuar në mënyrë kategorike se e ka kryer këtë krim. Por nga ana tjetër, prokuroria ka krijuar bindjen e fortë, tashmë të mbështetur jo vetëm tek sekuestrimi i armës, por dhe në një akt-ekspertim grafik të shkrimit të poezive të gjetura në vendngjarje,duke ngritur dyshime të forta se autor i dyshuar është pikërisht Behar Bajri, njëri prej personave më të përfolur në botën e krimit në Shkodër.
Ndërkohë në dosje, prokuroria thotë se me të njëjtën pistoletë tip “TT” që është qëlluar 15-vjeçaria Fabjola Hyseni në vitin 2002, është qëlluar në 7 shkurt 2001 Arben Tuzi, ngjarje kjo e ndodhur në rrugën “Qemal Stafa” në Shkodër, ku ka mbetur i plagosur dhe Lulzim Molla. Gjithashtu në dosje thuhet se Behar Bajri, Safet Rustemi, Ilir Rustemi, Astmer Bilali, Ismet Idrizi, Sirjan Alia dhe Jorida Murati, të akuzuar për gjobëvënien në ngarkim të një pronari restoranti në Shirokë, një pronar agjencie udhëtimi në Shkodër dhe një biznesmeni.
Ndërsa të arrestuar të tjerë në këtë çështje penale por që tashmë janë në masa sigurie “arrest shtëpie” janë disa punonjës të personelit në Spitalin e Shkodrës, si Senad Halluni, Florine Hoxha dhe Mira Nikaj, të cilat kanë kryer punësimin e paligjshëm dhe kanë paguar pa asnjë ditë pune, Jorida Muratin, mikeshën e Behar Bajrit./shqiptarja.com
O.J/DITA
Krimi i ketyre personave eshte patate e nxehte per prokurorin e Shkodres, e cila e intimiduar nga krimi kerkon t’ja kaloj per hetim SPAK-ut! Kjo tregon se shteti eshte gjunjezuar nga krimi.
Bravo SPAK .Kjo do te thote qe te meren per keto kriminele ordinere prokuroria e Shkodres .Me qellim te djallezuar ,per te fituar kohe , ju ngarkojne ju me turli lloj lloj ,dosjesh ordinere .Mire do benit ju te SPAK te dilni hapur dhe tja beni te qarte politikes , qe ne jemi vetem per krimin e organizuar dhe te lidhur me politikanet bandite ,qe e kane vjedhur e shkateruar kete vend brutalisht te quajtur ALBANI .I drejtohemi edhe prokurorive te retheve ta kene me se te qarte , se ato marin roge nga ne taksa paguesit shqiptare popull ,atehere per ironi duhet te mbyllen te gjitha prokurorit e rethefe ,dhe te punojne te vjelin patate ne gjermani ne sezonin e veres.Por kujdes nga mesi ,se eshte me norme atje ???
Jane te PS-se keta or Tunxh. Jane cunat e furgonave te zgjedhjeve.Mos fluturo me presh ne bythe.