Zbardhet VKM /  Rama favore Bashës: Nëse largohet nga PD, ruhet për dy vite

Qeveria vendosi të mërkurën që zyrtarët të lartë të shtetit të ruhen me oficer dhe nënoficer edhe dy vite pas largimit nga detyra. Marrja e këtij vendimi vjen në një kohë që në media është folur dhe për kërcënime të zyrtarëve të lartë. Mes tyre është dhe ruajtja e liderit të opozitës, i cili edhe nëse jep dorëheqjen nga partia, tashmë do të ruhet për dy vite.

Vendimi përcakton se Garda e Republikës së Shqipërisë ruan dhe mbron:
a) Prokurorin e Përgjithshëm dhe Ministrin e Brendshëm, me eskortë;
b) Zëvendëskryeministrin, Kryetarin e Gjykatës Kushtetuese, Kryetarin e Gjykatës së Lartë,
Kryetarin e Kontrollin të Lartë të Shtetit, Drejtorin e Shërbimit Informativ të Shtetit dhe kryetarin e
mazhorancës parlamentare, me shoqërim, me oficer e nënoficer, shoqërues;
c) Zëvendëskryetarët e Kuvendit, me nënoficer shoqërues;
ç) Anëtarët e Këshillit të Ministrave, për të cilët nuk janë parashikuar masa ruajtjeje e mbrojtjeje
në shkronjën “a” të pikës 1 të këtij vendimi, dhe guvernatorin e Bankës së Shqipërisë, me shofer
shoqërues;
d) Kryetarin e bashkisë së Tiranës, me oficer shoqërues;
dh)Kryetarin e partisë më të madhe të mazhorancës parlamentare, me shoqërim, me oficer e
nënoficer shoqërues;
e )Kryetarin e partisë më të madhe të opozitës parlamentare, me oficer shoqërues.