LISTA: Zbulohen emrat nga Shqipëria që dekorohen sot nga Thaçi

Zoti Thaçi! ke harruar nje pa dekoruar,Sali Berishen.Ai duhet dekoruar per nje motiv te veçante “per dergimin e naftes per tanket e Millosheviçit qe te vriste kosovaret”.Nuk e kuptoi,pse e kini bere kete “gabim”?

Do isha zhgenjyer po te kishte dekoruar ndonje te krishtere po jo eshte ne rregull vellau i erdoganit.

Ahmet Qeriqi: Presidenti Hashim Thaçi ndan dekorata në Tiranë, por anashkalon ata që kanë
derdhur gjak për çlirimin e Kosovës

Prishtine, 03.10.2016

Ndarja e dekoratave nga kryetarët e deritanishëm të Kosovës, gjithnjë
është manifestuar me anime politike e ideologjike dhe asnjëherë deri
tani, me ndonjë përjashtim, nuk është bazuar në kritere të mirëfillta,
të paanshme dhe meritore.
Tani që është zgjedhur kryetar partiak i Kosovës, Hashim Thaçi, ka
nisur edhe ndarjen e dekoratave, kuptohet sipas përzgjedhjeve,
bindjeve dhe animeve të tij politike.
Nuk di sa është momenti për një veprim të tillë, ceremonial, kur
Kosova dhe Shqipëria, por edhe mbarë vendet ku jetojnë shqiptarët
ndodhen në një gjendje të rëndë, jo vetëm ekonomike por edhe politike
e shoqërore, në një gjendje ku kaosi, anarkia, mungesa e zbatimit të
ligjit, korrupsioni, përçarjet, dhuna, krimi dhe deformimet e
ndryshme, ia kanë zënë frymën kombit, në rrugë drejt përparimit e
mirëqenies.
Por duke qenë se kryetarët e shteteve te ne nuk merren me hallet e
popullit, por me të zgjedhurit e të përzgjedhurit e partive, klaneve,
fiseve e bajraqeve të tyre, ndarja e dekoratave përdoret krejtësisht
për qëllime politike, partiake pse jo edhe krahinore.
Kryetari i Kosovës, Hashim Thaçi gjatë vizitës në Tiranë, ka paraparë
të dekorojë 13 personalitete shqiptare nga fusha e kulturës dhe
shkencës, për sikur thuhet rolin e tyre të veçantë në shërbim të
lirisë dhe shtet-ndërtimit të Kosovës. Me “Urdhrin e Pavarësisë” do të
dekorohen: Dritëro Agolli, Xhevahir Spahiu, Moikom Zeqo, Shaban
Sinani, Ekrem Bardha, Vladimir Prela, pas vdekjes, Sabri Godo, pas
vdekjes. Ndërsa me Urdhrin Presidencial për Merita do të dekorohen:
Naim Zoto, Agim Doçi, Gjokë Beci, pas vdekjes. Eduard Mazi, Fatime
Sokoli, pas vdekjes, si dhe Edmond Zhulali. Në këtë mes ndodhet vetëm
një femër shqiptare, gjithsesi personalitet i këngës, Fatime Sokoli,
por asnjë femër tjetër nga Shqipëria, nga mesi i të cilave ka mjaft
nga ato që kanë merituar dekorata, në mos të tjerat, janë pikërisht
nënat që kanë rritur bij e bija, për t’ ia falur çlirimit të Kosovës.
Asnjë nënë e dëshmorit nga Shqipëria nuk ndodhet në mesin e të
dekoruarave. Po të ishte gjallë Fatime Sokoli, me siguri se nuk do ta
kishte marrë dekoratën e Hashim Thaçit, para një nëne të dëshmorit.

Askush nuk do të kontestonte kontributin që kanë dhënë dhe po japin
këto personalitete për letërsinë, shkencën, kulturën. Megjithatë kjo
përzgjedhje është shumë larg nga ajo më meritorja, sepse më të
merituarit për çlirimin e Kosovës, kanë qenë dhe do të mbesin
përgjithmonë ata, që kanë dhënë gjakun e tyre dhe ata që kanë lënë
gjymtyrët e tyre gjatë luftërave në Kosovë, në Kosovën Lindore dhe në
Maqedoni, ata që kanë drejtuar me shumë sukses luftën në zona të
caktuara. Asnjë i gjallë nuk mund të barazohet me ta, ashtu sikur nuk
barazohet asnjë i gjallë tjetër me oficerët e lartë të Shqipërisë, të
cilët kanë marrë pjesë në tri luftërat tona çlirimtare dhe kanë dhënë
një kontribut të jashtëzakonshëm në çlirimin e Kosovës nga robëria
serbe.

Thaçi nuk ka dekoruar asnjë pjesëtar apo oficer të Shqipërisë, që ka
marrë pjesë në luftën e UÇK-së

Me rastin e përgatitjes së listës së dekoratave që do të ndajë sot në
Shqipëri, kryetari i Kosovës, Hashim Thaçi. Në mesin e tyre nuk
ndodhet asnjë oficer apo kuadër i lartë i SHP të Përgjithshëm të
UÇK-së, dhe asnjë nga dëshmorët që kanë rënë në luftë për çlirimin e
trojeve të pushtuara të Shqipërisë. Në mesin e tyre nuk figuron madje
as komandanti i tri luftërave çlirimtare, heroi i kombit, Tahir
Sinani. Thaçi asnjëherë pas luftës nuk ka takuar oficerët e lartë të
Shqipërisë, të cilët kanë luftuar në Kosovë dhe tre prej tyre kanë
qenë edhe anëtarë të Shtabit të Përgjithshëm, madje edhe komandantë të
zonave. Injorimi i këtij segmenti kombëtar, nuk iu bën nder as
personaliteteve shqiptare, që sot do të marrin dekorata nga Thaçi,
sepse asnjëri prej tyre nuk ka dhënë kontributin për çlirimin e
Kosovës, në atë nivel, sikur ata që kanë derdhur gjak: Tahir Sinani,
Skerdilajd Llagami, Astrit Suli, Endrit Cara, Halit Coka e dhjetëra të
tjerë.

Janë lënë anash bashkëluftëtarët e dëshmorëve nga të gjallët: Kolonel,
Dilaver Goxhai, kolonel, Bardhyl Tahiri, Kolonel, Adem Shehu,
Komandanti i divizionit të Kukësit, gjeneral, Kudusi Lame, ish
kryeministri i Shqipërisë gjatë luftës, Pandeli Majko, ish Ministri i
Mbrojtjes gjatë luftës, Sabit Brokaj dhe sa e sa të tjerë.

Nuk e di si ndihen sot të dekoruarit e gjallë, përveç Dritëro Agollit,
i cili pa dyshim se është më meritori i të përzgjedhurve. Si ndihen të
tjerët nga të gjallët, që sot marrin dekorata madje edhe pa praninë në
ceremoni të atyre komandantëve e luftëtarëve të lirisë së Kosovës nga
Shqipëria, që kanë lënë gjymtyrët e tyre, duke luftuar përballë
forcave vrastare të policisë dhe ushtrisë së Milosheviqit. Besoj se
shumë nga të dekoruarit nuk do të ndihen mirë, kur të kuptojnë se nga
mesi i të dekoruarve janë anashkaluar më të merituarit.