Hekurishtja e mbytur e një nëndetëseje britanike e Luftës së Dytë Botërore me 71 trupat e ekuipazhit brenda saj është zbuluar nga zhytësit pranë brigjeve të Sardenjës në Itali.
Nëndetësja P311 u zhduk në mënyrë të mistershme përpara 73 vjetësh në Mesdhe dhe u gjet në një thellësi prej 100 metrash pranë ishullit të Tavolaras nga zhytësi me përvojë Massimo Domenico Bordone, raporton The Independent.
HMS P311 u zhduk së bashku me ekuipazhin e saj në janar 1943, pasi kontaktoi për herë të fundit natën e Vitit të Ri. Zbulimi konfirmon se që të gjithë ata që ishin në bord vdiqën.
Anija ngeci në fundin e detit në Gallurese, duke u kthyer në një arkivol hekuri dhe duke e lënë stafin pa oksigjen. Ekspertët mendojnë se nëndetësja nuk ka futur ujë brenda që nga momenti i mbytjes.