Zbulohet strategjia e zgjedhur nga Veliaj për të mundur Kosovën

Partia Socialiste do të celë zyrtarisht fushatën për zgjedhjet vendore të 21 Qershorit më 22 Maj.

Celja e fushatës do të bëhet në sallën Iliria në Qytetin Studenti, ku pritet që kandidati i ASHE për Bashkinë e Tiranës Erjon Veliaj të publikojë programin e tij të plotë për qeverisjen e kryeqytetit në 4 vite. Megjithëse prej disa ditësh deputetët dhe zyrtarët kryesorë të koalicionit qeveritar “Aleanca për Shqipërinë Europiane” kanë nisur takimet dhe prezantimet e kandidatëve, zyrtarisht Kodi Zgjedhor parashikon nisjen e fushatës 1 muaj para datës së mbajtjes së zgjedhjeve.

Në selinë qendrore të PS-së krahas pankaretës “Shqipëria e Gjeneratës Tjetër”, ka zënë vend edhe motoja e kësaj fushate, “Në drejtimin e duhur”. Detajet e celjes së fushatës tashmë janë përcaktuar, sikundër edhe grupet e punës janë angazhuar në fushatë sipas ndarjes së re territoriale. Fushata do të zhvillohet përmes dëgjesave publike, por jo vetëm kaq edhe takimeve derë më derë me qytetarët.

Një vend të vecantë do të zenë takimet me grupet e interesit, rininë, sidomos zgjedhësit që do të votojnë për herë të parë.