Presidenti i Ukrainës Zelensky ka folur sërish në telefon me Boris Johnson mbrëmjen e djeshme.
Një zëdhënëse e Downing Street tha se kryeministri “i bëri homazhe heroizmit dhe trimërisë së pabesueshme të Presidentit Zelensky dhe popullit ukrainas”.
Ajo shtoi: “Udhëheqësit ranë dakord që presidenti Putin po përballet me një rezistencë më të madhe ukrainase nga ajo që ka llogaritur”.
Dyshja u tha gjithashtu se “kanë rënë dakord për nevojën që komuniteti ndërkombëtar të izolojë Rusinë plotësisht diplomatikisht dhe financiarisht”.
Dhe ata “përshëndetën gatishmërinë e shtuar për të ndërmarrë veprime për përjashtimin e Rusisë nga Swift”.
Swift është një sistem pagesash ndërkombëtare nga i cili disa vende – përfshirë Britaninë e Madhe – duan të ngrijnë Rusinë.
Disa vende evropiane nuk kanë qenë të gatshme të pajtohen me këtë, por Gjermania, një pengesë kryesore, e zbuti ndjeshëm pozicionin e saj më herët.
Johnson shtoi se 1,000 trupa po dërgohen për të ndihmuar me fluksin e refugjatëve duke thënë po ashtu se qeveria e tij “sigurisht do të ndihmojë njerëzit që ikin për të shpëtuar jetën e tyre”.
j.l./ dita