Zgjedhjet, KQZ e shqetësuar për vonesat në ngritjen e KZAZ-ve

Komisioni Qendror i Zgjedhjeve, ka ripërsëritur sot shqetësimin për vonesat në ngritjen e Komisioneve Zonale të Administrimit Zgjedhor.
Zëdhënësja e KQZ-së, Drilona Hoxhaj, apeloi ndaj njësive të qeverisjes vendore për të dërguar pranë këtij institucioni propozimet e tyre për krijimin e KZAZ-ve. Duke rikujtuar afatin e fundit për konstituimin e KZAZ-ve që është 14 prilli, zëdhënësja tha se, deri tani vetëm 41 bashki kanë sjellë propozimet e tyre, ndërsa ende nuk ka seli të përcaktuara për 37 Komisioneve Zonale të Administrimit Zgjedhor.
Disa ditë më parë, edhe Komiteti Shqiptar i Helsinkit shprehu shqetësimin për vonesat e theksuara për konstituimin e KZAZ-ve, që sipas tij, “janë dhe një mundësi potenciale për cenimin e garancive të zgjedhësve për një proces të drejtë e të rregullt zgjedhor”.