Vora pritet që të jetë një nga bashkitë më të vëzhguara jo vetëm nga monitoruesit vendas , por edhe ata ndërkombëtarë.
Delegacioni i Bashkimit Evropian në Shqipëri do të vëzhgojë nga afër zgjedhjet vendore të 21 qershorit me rreth 100 vëzhgues.
Ekipet e vëzhguesve të BE-së do të vizitojnë një numër njësish në të gjithë vendin, përfshirë zonat e Tiranës, Vorës, Shkodrës, Lezhës, Malësisë së Madhe, Vlorës dhe Himarës.
Ndërsa, ambasadorja në Tiranë, Romana Vlahutin do të zhvillojë vizita në Durrës dhe në Kavajë.