Zhgënjehen nga Idrizi, themelohet “Lëvizja Çame”

Çamët të cilët kanë mbetur të zhgënjyer nga partia që drejtohet nga Shpëtim Idrizi, kanë vendosur të krijojnë një tjetër grupim e cila do të quhet “Lëvizja Çame”. “Duke mos gjetur logjik bashkëpunimi mes përpjekjeve për Çamërinë tonë, dhe drejtimit të drejtorive të patentave, targave dhe te tjerave pikave të tilla që janë burim pazarllëqesh dhe korrupsioni. Duke parë që çështja ndërkombëtare ligjore ka mbetur vetëm një premtim bosh. Që prindërit dhe të moshuarit tanë vazhdojnë të kthehen në kufi pa e parë sikur dhe për të fundin herë pragun e derës ku kanë lindur. Duke mos u ndier për gjithë këto vite edhe sikur një hap më afër Çamërisë sonë. Ne Komuniteti çam i përfaqësuar nga një grup burrash dhe grash, një grupim patriotësh. Një përfaqësi nga më të nderuarat, gjithë përfshirëse dhe gjeografikisht më të përfaqësuarat në komunitetit tonë vendosëm të bëjmë publike krijimin e Lëvizjen Patriotike Çame”, thuhet në deklaratën e çamëve.