Një i moshuar gjeti vdekjen pasi banesa e tij u dogj nga një zjarr i rënë.
Ngjarja ndodhi në fshatin Laktesh të Pogradecit, ku ka humbur jetën shtetasi Osman Belegu, 85-vjeç.
Ai ndodhej në një prej dhomave të banesës në momentin që ra zjarri, teksa jetonte i vetëm në banesë. Dyshohet se ai ishte në gjumë kur flakët përpinë ndërtesën.
Nga të dhënat paraprake, thuhet se ngjarja ka qenë aksidentale dhe se zjarri mund të jetë shkaktuar nga ndonjë shkëndijë elektrike, pasi godina dhe rrjeti ka qenë i amortizuar. Policia nis hetimet. /Dita/