Situatë alarmante nga zjarri në malin e Rrencit në Shëngjin.
Flakët e rëna gjatë ditës së djeshme janë përhapur me shpejtësi të favorizuara nga era si dhe pamundësia për të ndërhyrë për shkak të terrenit malor.
Zjarri i është afruar banesave dhe qytetit, duke krijuar panik në radhët e banorëve dhe pushuesve.
Me dhjetra banorë u evakuuan, ndërsa një pjesë e pushuesve u larguan nga frika.
Shumë qytetarë e kaluan natën jashtë.
Mëngjesin e sotëm mësohet se ka mbërritur një helikopter që po asiston nga ajri për lokalizimin e vatrave të zjarrit dhe shuarjen e tyre.
Në vendngjarje ndodhen dhe shërbimi zjarrëfikës dhe policia.