Një vatër zjarri ka rënë mbrëmjen e së shtunës në aksin rrugor Shkodër-Lezhë. Një kalimtar i rastit ka filmuar flakët dhe i ka dërguar në Ti Raporton.
Shqipëria kaloi verën pa zjarre ndërsa këtë fundshtatori flakët kanë përfshirë sipërfaqe të tëra në Fushë-Arrëz, në Lezhë, në Fier, etj. Së fundmi raportohet një zjarr i madh, fare pranë aksit nacional Lezhë-Shkodër. Zjarri që ka rënë fillimisht në shkurre, i ndihmuar nga era ka dalë në rrugë duke rrezikuar jetën e udhëtarëve. Këto pamje që publikon TCH janë filmuar sonte rreth orës 21:00 dhe siç duket aty nuk ka asnjë zjarrfikëse që po punon për shuarjen e flakëve. Personi që filmon udhëzon shoferin që të ecë shpejt për të mos u përpirë nga flakët që kanë dalë në rrugë.