Zot-o Zot sa jam i lodhur,
shumë kam mbjellë e pak kam korrur,
mbolla shumë e në çdo stinë,
dhe jo vetëm një lëndinë!
Shumë lëndina mbolla herët,
erdhën i korrën të tjerët,
eh-ç’më gjeti-Zot-o Zot,
mbolla shumë e s’korra dot!..
Mbolla-po mbeta i varfër,
se s’m’u ndodh, për dreq, një drapër,
më dëgjo-po mos e fol,
s’kam të blej një arkivol!
Ndaj do rroj sa një gogol,
s’kam ku shkoj pa arkivol,
se unë s’jam e s’jam një horr,
arën e tjetrit të korr!
Flaka e qiriut..
Të fryn era e Veriut,
po ti-flaka e qiriut,
je si shpirti i njeriut,
mos u shuaj!
Doemos që dridhesh lehtë,
atë erë kur e pret,
ndrin-po pakëz më e zbehtë,
ditë e muaj.
Këtu duket se venitesh,
sa nuk sosesh-sa nuk fikesh,
po ja,fap dhe përtëritesh,
ndaj nuk vuaj…
Ti je Zoti!
Që në ditën që ke lindur,
fati yt me dritë u gdhend,
ndaj jeto dhe ji i bindur:
“Ti je Zot i fatit tënd!…”
17 Gusht 2017
ishe dhe mbete gjeni
Fatkeqesi kur vdesin njerez te tille, te mbytur nga respekti e dashuria e popullit ! I perjetshem kujtimi i tij !