Zoti mfali jedën, zhkolla diturin, Pjetri mlla semrën e mama bugurin… Ç’po i ndodh gjuhës shqipe?!

Shifrat e sakta mbi analfabetizmin në Shqipëri mungojnë.

Shifrat që qarkullojnë janë dhënë zakonisht nga politikanët në fushata elektorale, si të tilla duhen marrë me rezerva.

Vetë kryeministri Rama gjatë viteve të opozitës fliste për “tmerrin e 15 përqind analfabetizëm shqiptar në mes të Europës“.

Shumë fëmijë dhe të rinj shqiptarë, nuk kanë marë këto vite as arsimin bazë për shkak të shkatërrimit të rrjetit të shkollave, sidomos ato në zonat rurale.

E vërteta është që sistemi arsimor në Shqipëri mbetet i keqfinancuar, veçanërisht arsimi publik.

Për këtë shkak Shqipëria po përballet dhe do të përballet me një impakt negativ në të ardhmen në fushën sociale si edhe në perspektivën ekonomike.

Banka Botërore në një raport të saj thekson se të rinjtë shqiptarë po keqarsimohen duke mos arritur dot të përvetësojnë as njohuritë më minimale.

Sipas raportit në fjalë, 57% e 15-vjeçarëve në vendin tonë janë analfabetë funksionalë, term që do të thotë se nuk mund të kuptojnë dhe zbatojnë njohuritë që marrin përmes të lexuarit apo studiuarit.

Kjo normë e analfabetizmit është nga normat më të larta në të gjithë rajonin e Evropës dhe Azisë Qendrore, duke lënë prapa vetëm tre shtete, Azerbajxhanin, Kazakistanin dhe Kirigistanin.

Shikoni këtë shembull të marë nga rrjetet sociale.

Është postimi i një vajze të re diku te të 20-at, që flet më qartë se fjalët për situatën në të cilën gjendet baza e arsimimit, gjuha shqipe. / Dita /