Mbi 10 persona janë shoqëruar nga policia pas protestës së të enjtes para parlamentit. Ishte zv/ministri i Brendshëm, Besfort Lamallari i cili e pohoi këtë në ABC News.
“Mbi 10 të shoqëruar të cilët po verifikohen, në varësi të provave. Dikush mund të shoqërohet dhe lirohet. Dikush nëse ka prova që është përfshirë në akte të dhunshëm vijohet më tej përmes referimit penal”, tha Lamallari.
Lamallari deklaroi se policia nuk e ka mohuar asnjëherë shoqërimin e protestuesve.
“Nuk ka mohuar. As në ditët e shkuara nuk është mohuar. Është procedurë standarde”, tha Lamallari.
Ndërkohë, ish-deputetët e opozitës kanë deklaruar para mediave se janë shoqëruar 14 protestues. Ata kërkuan që të futen në ambientet e Policisë së kryeqytetit, por kanë janë lejuar.
Për sa i përket efektivë të lënduar, Lamallari tha se në protestën e sotme nuk ka pasur dëmtime serioze.
“Mund të kenë qenë nga fërkimet fizike. Fatmirësisht nuk ka dëmtime serioze, për ditën e sotme, ashtu siç fatkeqësisht ka pasur në protestat e tjera”, u shpreh ai.
Njëkohësisht, zv/ministri i Brendshëm sqaroi se gazi lotsjellës është përdorur në protesta ashtu siç e ka parashikuar ligji.
“Gazi është përdorur në momentin kur parashikohet nga ligji, kur kalohet distanca që parashikohet, ka përplasje fizike, etj. Ka një peron që autorizon dhe përdorimin e gazit lotsjellës”, tha Lamallari.
v.l/ Dita
Aty te mbahen dhe tu bahet instruksion si duhet bere protestat brenda normave ligjore.Lirija e tyre mbas instruktimit te perballet me xhoba te majme ne perjashtim te atyre qe meritojne hekurat.E te perballen me trupin gjykues te drejtesise.
Gaz lot sjelles perdori edhe Berisha e Luli me 21 janar.Ate
here nukju beri pershtypje se e perdoret ju.Dhe kur ju tha Berishes se do te mblidhemi prap per vrasjen e 4 qytetareve ai u pergjigj se do te vriste prap.