Pasi siguroi “Bundesligën” edhe për sezonin tjetër, skuadra gjermane e Volsburg ka vendosur të zgjasë kontratën me sulmuesin kryesor të saj, Mario Gomez-in. 31-vjeçari do vazhdojë bashkëpunimin dhe për kampionatin e ardhshëm e për këtë klubi është aq i lumtur saqë ka bërë lajmërimin më të çuditshëm të ndodhur ndonjëherë.
“Duke cituar ish-presidentin e SHBA, Frenklin D. Ruzvelt: Ai mund të jetë një bir k…, por ai bir i k… është i yni”, shkruhej në statusin e klubit për rinovimin me gjermanin.
Por ky njoftim i çuditshëm padiskutim që ka një motiv.
Gjatë ndeshjes play-off për mbijetesën në Bundesligë, kundër Eintraht Braunshvajg, tifozët kundërshtarë filluan koret “Mario Gomez është një bir k…”. Volfsburg, pasi siguroi mbijetesën dhe rinovimin e sulmuesit, dha sot përgjigjen e tij.
Nuk dihet nëse do të ndodhë sërish e njëjta gjë, por në përfundim të ndeshjes kundër Eintraht Gomez e mori me shumë sportivitet duke kënduar së bashku me shokët e skuadrës “Mario Gomez është një bir ku*ve.”
