Policia e kryeqytetit ka arrestuar një 40-vjeccar pasi ka ushtruar dhunë fizike mbi bashkëshorten e tij dhe më pas ka vendosur që t’i djegë edhe banesën.
Ngjarja ka ndodhur një ditë më parë në fshatin Zallmner të Tiranës.
A.N, 40 vjeç për disa minuta është konfliktuar me bashkëshorten e tij për motive banale. Më pas ai ka ushtruar dhunë fizike, duke i shkaktuar plagë në pjesë të ndryshme të trupit.
Duket se nuk është mjaftuar vetëm me kaq, por ai i ka vënë flakën banesës në të cilën jetonte me 30-vjeçaren Sh.N, prej disa vitesh. Ndonëse kjo e fundit është përpjekur që të shuajë zjarrin, dhunuesi nuk e ka lënë, por ka qëndruar aty deri sa flakët dogjën pjesën më të madhe të orendive shtëpiake.