E nderuar DITA. Dy zgjedhjet e fundit tek fqinjet tanë kanë turbulluar në mënyrë të pakthyeshme ujerat e Italisë e Greqisë. Dhe duke qene se ndajmë të njejtin det është e pamundur që këto valë të mos kenë goditur brigjet tona. Politika shqiptare po lexon në mënyrë të mbrapshtë (sikur të ishte vetëm kjo herë) mesazhet që votuesit kanë përcjelle nëpërmjet votës së tyre. Pikë së pari, ajo që politika shqiptare mbyt, është fakti se populli ka një zë. Në Shqipëri partitë që ndajnë pushtetin e kanë të pamundur ta trajtojnë popullin si një krijesë inteligjente që di të flasë pasi ajo nuk e respekton votën e tyre.
Rasti i Beppe Grillos duhet të shkaktojë panik në politikën shqiptare. Një politikan jo politikan, një lider levizjeje që është kundër medias, kundër sistemit politik e fiskal. Në Greqi pavaresisht se programi nuk ishte i njëjtë me Levizjen e Grillos, Syriza ishte i njëjti zë jashte korit. Ajo percau ndarjen klasike të mandateve. Shqiptarët duhet të mos kenë frikë të përdorin votën e tyre si mesazh politik. Politika nuk është ekskluzivitet i partive.
Letër e nënshkruar: Adora Fejzo