Jurgen Klopp kthehet në Dortmund, kësaj here si kundërshtar në çerekfinalet e Europa League.
Trajneri që udhëhoqi Borussia te sukseset e shumtë vjen si rival me ekipin Liverpool për t’u përballur me atë që la pak muaj më parë.
Klopp është shfaqur i akullt në konferencën për shtyp, duke shmangur emocionet.
Ai vlerësoi kundërshtarin duke pranuar se duhet të jenë të kujdesshëm që mos t’ia bëjnë të lehtë punën. Jurgen Klopp tha se askush nuk duhet të mendojë se si ndihet, pasi edhe në vegjëli kur luan kundër miqve dëshiron gjithmonë t’i mundësh.
Thomas Tuchel, i cili e zëvendësoi këtë sezon tha që Klopp të pritet ngrohtë nga të gjithë. Takimi do të nisë në orën 21:05 në stadiumin e Dortmund, që gjithmonë është një spektakël.
Po sot do të luhen edhe tre takime të tjera të fazës çerekfinale të Europa League, ku veçohet edhe derbi spanjoll Athletic Bilbao – Sevilla.