Autoriteti Rrugor Shqiptar njofton të gjithë drejtuesit e automjetit që udhëtojnë në aksin Kukës-Bushtricës që të tregojnë kujdes për të respektuar sinjalistikën, për shkak të shkarjes së rrugës që ka ndodhur.
Në një njoftim për mediat sqarohet se në km 29 të aksit rrugor Kukës – Bushtricë ka ndodhur shkarje e rrugës në gjatësi 110 m. Shkarja e rrugës varion nga 40 deri në 70 cm thellësi. Inspektorët e Drejtorisë së rajonit verior në bashkëpunim me Drejtorinë e policisë qarkut Kukës po marrin masa për vendosjen e sinjalistikës së nevojshme.
Njëkohësisht po bëhet vlerësimi i shkarjes për ndërhyrjen urgjente. Drejtuesit e mjeteve që përdorin këtë aks rrugor të tregojnë vëmendje në respektimin e sinjalistikës.