Dy persona janë qëlluar me armë zjarri mbrëmjen e sotme në Tepelenë. Aurel Haxhiaj 30 vjeç nga Memaliaj dhe Niko Baka 25 vjeç janë paraqitur në spitalin e Tepelenës me plagë me armë zjarri, ku Haxhiaj si rezultat i plagëve të rënda nuk ka mundur të mbijetojë duke ndërruar jetë në spital.
Nga ana tjetër Baka po merr trajtimin mjekësor nga bluzat e bardha. Nuk dihen rrethanat në të cilat dy personat janë plagosur, ndërkohë që drejt vendit të ngjarjes janë nisur forca të policisë, të cilët pritet të hedhin dritë mbi ngjarjene rëndë.
Policia shoqëron 13 persona
Policia e Tepelenës ka shoqëruar sot 13 persona të dyshuar për ngjarjen e rëndë që u shënua mbrëmë në Memaliaj ku u vra një 30-vjeçar dhe u plagos kushëriri i tij.
Dy kushërinjtë Aurel Haxhiaj 30 vjeç dhe Niko Baka 25 vjeç u qëlluan me armë mbrëmjen e djeshme në Memaliaj ndërsa dyshohet se krimi ka ndodhur për motive hasmërie.
Menjëherë dy kushërinjtë u dërguar me urgjencë në spitalin e tepelenës por 30-vjeçari Haxhiaj ka ndërruar jetë në spital si pasojë e plagëve të marra ndërsa kushëriri i tij Niko Baka ndodhet në gjendje të rëndë.
Sipas policisë, autori i ka zënë pritë dy kushërinjve teksa ata ishin duke u kthyer në banesë dhe i ka qëlluar ata me automatik, gëzhojat e të cilit janë gjetur nga policia në vendgjarje.
Ndërkohë policia po vijon hetimet për identifikimin e autorit dhe zbardhjen e plotë të ngjarjes.