Dy të vdekur në qytetin e Vlorës brenda pak orësh. Një i ri është gjetur i pajetë pranë një kabine elektrike ndërsa një e moshuar është aksidentuar për vdekje. Korrespondenti Enrik Mehmeti njofton se të dy trupat ndodhen në morgun e spitalit të qytetit.
Mësohet se Armando Driza, 32 vjeç është gjetur i pajetë pranë një kabine elektrike në lagjen ’28 Nentori’ dhe dyshohet se vdekja mund të ketë ardhur si pasojë e kontaktit me rrymën elektrike.
Ndërkaq në lagjen ’24 Maji’ në qytetin e Vlorës është aksidentuar për vdekje shtetasja, Marjana Dema, 67 vjeç ndërsa nuk dihen rrethanat në të cilat ka ndodhur ngjarja.
Trupat e pajetë ndodhen në morgun e qytetit të Vlorës në pritje të kryrjes së ekspertizës mjeko-ligjore.
Policia është në pritje të mbërritjes së një mjeku ligjor nga Fieri, pasi mjeku ligjor i Vlorës është vënë nën pranga 2 ditë më parë nën akuzën e kryerjes së një vepre penale.